* ليش الدمع ياقلبي..ترى دمعك علي غالي*

من طرف اسيره الحب الإثنين فبراير 04, 2008 11:36 am

...بصراحه هذه قصيده عجبتني ...

...وأبي رايكم فيها بكل صراحه ...

...أترككم مع القصيده...

ليش الدمـع يا قـلبي ترى دمعـك عَلَي غالـي

أنـا مـالي بهَالدنيــا سِــواك أحــدٍ يواسينـي

دخيلك حتى لُو صاحَت جروحك ترفـُق بـحالي

أخــاف صياحَـها يـحـي جـروحٍ مَـيِّتـَه فينـي

صِعيبـه و الله هالدنيـا على مثلك و أمثالـي

صغـارٍ عَالحِـزن لكن أبَت تسـتوعِـب سنينـي

سِقَتني الـمُر في عُـمرٍ شرَب بَه غيري الحالـي

و كِل ما صِحت يادِنيا ذِبَحني الـمُر..تسقيني

وحيد عِشت اْنادي الفَرح لِجروحي و لا جالي

رَحَلت بـكِل صُـوب و ما لقـيت إللي يداوينـي

و تراها ما غـدَت تَفْرِق مَـعِي لُو طـال تِـرحالـي

أنا أصلاً سِكَنـت الجَـرح و ضاعت بَه عَناوينـي

عَشقْت الحزن مُو برضاي.. عيَّـا الوقت يصفالي

و يوم إنه رِجَـف دَمعي ذِبَحـتـَه في وَسَطْ عينـي

لَك الله أيش يفـيد الدَّمع و لُو هُو سِيل مِتوالي

دخيلك تمسـح دموعَـك ترى هالدمع يشقـيني

مِـصير جروحِنا تذبــَــل قِـصَر هالعُمر أو طالـي

و إذا جرحـك أبَـى يبـرى بَضمِّـده بشـراينــي